Numero 117 – somero 2017

Preĝo de papago

Kion Vi diras, Sinjoro?

Pardonu, mi supozis, ke Vi parolas al mi.

Mi konstatas, ke Vi tamen silentas. Eble Vi timas ke mi eldiros Viajn sekretojn? Estas vero, mi babilemas iom, sed certe plur-kaze mi povas esti utila. Okazas, ke estas nesagacaj kapoj,

kiuj malrapide perceptas. Oni devas plurfoje diri al ili,

ripete la samon. Se Vi bezonus min – mi estas je Via dispono.

Babilado ne turmentas min. En tio troviĝas eĉ forto.

Mi scias, ke mi iom ĝenas ĉiujn ĉirkaŭe,

sed ili aŭskultas min, vole-ne-vole.

Mi babile ripetas ĉiam la samon,

sed ilia memoro akceptas ĉion.

Kiam, tamen, mi povos servi al Via saĝeco?

Bonvolu memori pri tio, mia Dio! Amen.