Ridetu

Ridetu

El diversaj tirkestoj

– Ĉu estas vero, ke la edzino vin forlasis?

– Ja ne! Ĉiam finiĝas per promesoj.

*

Ĉefŝafisto estis atestanto de aŭtomobila akcidento, do li estis vokita al juĝenketado.

– Ĉefŝafisto, kiel tio okazis? Je tio la ĉefŝafisto:

– Sinjoro, vi vidas ĉi tiun arbon?

– Mi vidas.

– Sed ili ne vidis…

*

Sidas ĉefŝafisto sur terbenko, alvenas turisto:

– Kion vi faras, ĉefŝafisto?

– Ho, nur tiel mi sidas kaj meditas.

– Kaj do vi ĉiam tiel?

– Ne, sed nur kiam mi havas tempon.

– Kaj se vi ne havas tempon?

– Tiam mi nur sidas.

*

– Janko, pro kio ili vin enprizonigis?

– Ĉar mi tro rapide veturis per aŭtomobilo. Kaj vin pro kio?

–Min? Ĉar mi veturis per aŭtomobilo tro malrapide.

– Homo, ja pro tio ili ne rajtis vin enprizonigi!

– Tiel vi diras? Jes, sed sciu ke tiu aŭtomobilo estis ŝtelita…