Numero 105 – septembro 2014

Renovigo de la sindediĉo al la senmakula Koro de Beata Virgulino Maria

Patrino Senmakula, ni plenfidas la potencon de Via propeto, la patrinan bonecon de Via Koro. Obeemaj al Via volo kaj ordonoj de la Sankta Patro, ni ĉiuj kune sindediĉis al Vi. Nun konsciaj pri nia mizero, ni solene renovigas nian sindediĉon al Via senmakula Koro.

Ho tre bona Patrino! Via Koro antaŭgardu niajn korojn kaj kiel modelo brilu en niaj familioj kaj parokoj! Ho Maria, defendu purecon de la moroj, ŝirmu la junularon kaj infanaron, stimulu la gepatrojn al oferemo, la infanojn al obeemo kaj disciplino. En la familioj regu vera pieco kaj daŭra amo. Al Via Koro ni rekomendas ĉiujn forestantajn familianojn, gardu ilin, ho Maria, kaj estu gvida stelo sur la vojoj de vivo por la erarantoj kaj pekantoj, por la orfoj kaj malriĉuloj.

Pro la amo al Via Koro, ni volas plenumadi ĉiujn de-zirojn de Jesua Koro, vivi laŭ diaj ordonoj, laŭ instruo de Kristo kaj de Eklezio. La animon ni ofte purigados de pe-koj kaj fortigados ĝin per la Pano de vivo. Ho Maria, helpu nin plenumi ĉi tiujn decidojn, akceptu nian sindediĉon, elpetu la gracojn necesajn por sanktigo de la persona kaj familia vivo, estu nia Patrino kaj konduku nin al Jesuo. Amen.

_______________________________________________

Fatimo 1917:   „Dediĉu vin al mia senmakula Koro!

Mia Koro estos via azilo kaj vojo al Dio”.