Historia esperanta prediko en Ĉenstoĥovo de episkopo Stanislavo Ĉajka

Historia esperanta prediko en Ĉenstoĥovo de episkopo Stanislavo Ĉajka

(fragmento)

„Laudetur Jesus Christus!” Karaj Diaj Infanoj de Dipa-trino kaj Reĝino de l’ mondo. Vi venis el la vasta mondo, por honori la Reĝinon de l’ mondo. Vi venis el la vasta mondo, por honori la Reĝinon de l’ Universo kaj de nia Patrujo, en unu internacia lingvo sur la Hela Monto de Ĉenstoĥovo.

Kiel episkopo kaj ministro de Maria mi salutas Vin kore, la partoprenantojn de la Unua Internacia Pilgrimo Esperantista, en ĉi tiu pola Lourdes kaj Fatima. Tiu loko, kiun Vi vizitas hodiaŭ, vidis reprezentantojn de diversaj nacioj. La historio de Ĉenstoĥovo notas pilgrimojn el ĉiuj mondkontinentoj. Preĝis ankaŭ ĉi tie en mil naŭcent dudek naŭ la Sankta Patro Johano 23a. – Vi tamen, karaj Di-infanoj de Maria, formas specialan pilgrimon. Vi venis en unu espero kanti la Magnifikaton al Tiu, kiun nomas Benata ĉiuj nacioj kaj kiu la tagon de Pentekosto estis inter la aŭskultantaro de sankta Petro alparolanta en unu lingvo ĉiujn diversnacianojn.

Karaj Gesamkredanoj! Ĉiu internacia Kongreso estas por Vi certasence festo rememoriganta la Unuan Pentekoston en Jerusalemo. Vi venis ĝin travivi, kiel la Apostoloj kun Maria…