Numero 108 – printempo 2015
Antaŭvorto
Karaj Legantoj!
En la unuaj numeroj de FRATECO en 1991 mi estis skribinta: „La nomo de ĉi tiu bulteno estas ‘Frateco’, ĉar ni – kristanoj kaj samideanoj – estas fratoj. Unu estas via Majstro, kaj vi ĉiuj estas fratoj (Mat 23:8). (…) Frateco servas kiel frata helpilo por la komencantaj esperantistoj – ĉu pastroj, ĉu laikoj – junuloj aŭ maljunuloj.”
En ĉi nuna Frateco numero 108 troviĝas artikoloj – prelegoj adresitaj ĉefe al junularo. Tamen ĉiuj legantoj, ankaŭ tiuj pliaĝaj, povas profiti el ili. Fakte ĉiam ni sentas nin junaj. Tutan vivon ni lernas, ja juneco ne povas forpasi. Kiel diras proverbo: Lernado era, era, era, kaj iam vi estos klera. Ĉi tiu kajero de Frateco estas iuspeca kompendio de materialoj por junularo. Precipe por tiu eksterlerneja.
Karaj Legantoj! Ni estas plenaj de ĝojo, ĝojo granda kaj vera, ĉar Kristo post tri tagoj resurektis tiel same kiel Li antaŭdiris. Li, pere de la venko sur la ligno de kruco donis al ni la eblecon de komuneco kun Li poreterne.
Tiun ĝojon ni dividas kun ĉiuj kredantoj, por firmigi ilin en la kredo kaj kuna migrado al nia reviviĝo, ĉar „kiel ĉiuj mortas pro sia kuniĝo kun Adamo, tiel ankaŭ ĉiuj estos vivigitaj pro sia kuniĝo kun Kristo” (kp. 1 Kor 15:22).
Al Kristo Resurektinta ni rekomendu ĉiujn niajn de-zirojn, ĝojojn kaj suferojn. La Resurektinto estu por ni ĉiuj „la vojo, la vero kaj la vivo” (Joh 14:5).
Pacon kaj Bonon al vi ĉiuj deziras kaj salutas
- Stanisław Płachta OFM
