Numero 107 – printempo 2015
Antaŭvorto
Karaj Legantoj!
Kvankam mi decidis ĉesi eldonadi FRATECON, pro miaj problemoj pri sano, tamen legante la Evangelion laŭ Johano mi trovis tre interesan, pensigan frazon: kolektu la postrestantajn fragmentojn, por ke nenio perdiĝu (6:12). Do instigite per tiuj vortoj, mi elektis, iom korektis kelkajn publikigindajn artikolojn kaj prezentas ilin en ĉi tiu laŭvica ‘Frateco’ numero 107, por ke nenio perdiĝu! Eble ili hel-pos al iu en la strebado al pli bona vivo. Ke en ĉio gloratu Dio. Mi kore dankas al ĉiuj, kiuj sendis al mi kristnaskajn kaj novjarajn bondezirojn. Dio rekompencu.
- Stanisław Płachta OFM
Gravaj anoncoj!
Bona informado estas fundamento de agado!
- La 39. Esperantaj Preĝtagoj en Ĉenstoĥovo okazos en la tagoj 9a, 10a kaj 11a de oktobro 2015, kiel kutime en la REKO-LEKTA DOMO de la Kongregacio de Mizerikordaj Fratulinoj, ĉe la strato de s-ta Barbara 43, gvidataj de sac. Roman Gmyrek, landa animzorganto de esperantistoj.
- Karaj,
Unuan fojon en sia historio BIBLIAJ TAGOJ okazos en Pol-lando. BT estas ekumena renkontiĝo por kristanoj de ĉiuj konfesioj, dum kiu oni studas Biblion, komune preĝas kaj kantas. La renkon-tiĝejo troviĝos en luksa pilgrimdomo, en la centro de plej bela vroclava kvartalo – Ostrów Tumski. Por ke multaj poloj povu uzi tiun eblecon kaj partopreni ĝin, organizantoj fiksis por ili tre favoran prezon nedependantan de kurzo de euro – 360 zlotojn. Pli precizajn informojn kaj aliĝilon vi trovos en aldonaĵoj. Kun espero, ke vi akceptos inviton por alveni Vroclavon printempe salutas vin nome de organizantoj – Teresa Pomorska.
