Numero 114 – aŭtuno 2016
Antaŭvorto
Karaj Legantoj!
Jen en viaj manoj estas laŭvica numero de la bulteno Frateco, traktanta pri diversaj temoj.
Inter la dek devoj de esperantisto troviĝas tiaj: „Bone sciu la lingvon, traktu ĝin kun respekto… Esperanton uzu parolante, studu legante kaj ne fuŝu skribante… Legu gaze-ton, por ke vi konu novajn faktojn; abonu por ke ĝi povu ekzisti. Kunlaboru por ke ĝi estu interesa”.
Ni, katolikaj esperantistoj, apartenas al unu paroĥo – esperantista paroĥo – en kiu de tempo al tempo ni renkont-iĝas por kune preĝi kaj dividi niajn zorgojn pri nia komun-umo. Tamen intertempe ni partoprenas en la vivo de niaj lokaj paroĥoj: – en Mesoj, nuptoj, entombigoj, jubileoj kaj aliaj ekleziaj okazintaĵoj.
Ŝajnas, ke bone estus rakonti pri niaj paroĥoj, kiuj je multaj aspektoj diferencas unu de la alia.
Bonvolu do priskribi vian paroĥon per dekkelkaj fra-zoj kaj sendi rete aŭ surpapere al la redaktoro de Frateco. Atentu, ke internacia lingvo vivos nur per uzado.
Ni memoru la pensigajn vortojn de papo Paŭlo la 6a: „La homo de nia tempo pli volonte aŭskultas atestantojn, ol instruistojn; kaj se li aŭskultas instruistojn, do tial, ke ili estas atestantoj”. Kaj alia memorinda diraĵo: „Bruo ne faras bonon, bono ne faras bruon!”
Bonan legadon al ĉiuj deziras via redaktoro
- Stanisław Płachta OFM
