Por ke ni unuiĝu
Por ke ni unuiĝu
teksto: episkopo J. Zawitkowski
muziko: pastro W. Kądziela
esperantigis: Irena Łowińska
- Ni vidas birdojn, kampojn kun floroj,
Ilin prizorgas Vi, Patr’ Sinjoro.
Nur ni, la homoj, ne sentas volon
Interdividi panon kaj bonon.
Refreno: Por ke ni unuiĝu, manon la man’ ekpremu,
Por ke ni estu kune, koron la kor’ komprenu.
Panon dividu, ĉielon vidu
Kaj tuj ŝanĝiĝu, kaj tuj ŝanĝiĝu
Vizaĝo de nia tero.
- Do niajn korojn ŝanĝu, Sinjoro,
Kredon fortigu laŭ Via volo.
Kaj jam aperu sur nia tero
Nova homgento, nova espero.
Refreno:
- Homoj gefratoj, aŭdu la vokon,
Senkvereligu nunan epokon.
Kaj en savita dom’ familia
Paciĝu unu kun la alia.
Refreno:
- Ho Kristo, Reĝo de nova tempo,
Sendu la lumon al homa gento.
Donu ekkonon al ĉies koro,
Ke nur Vi estas Dio Sinjoro.