Timo

Timo

Mi pripensas foje, ĉu mi devas timi kiam mi devos antaŭ mia Dio stari? Li demandos min tiam: „Kaj kion vi alportas al mi, kion vi volas al mi diri kaj pri kio vi petas min?” Hodiaŭ mi ne scias, kion mia animo tiam diros. Ja Dio kaj sen tio ie ekscios ĉion. Kaj eble ankaŭ konstatos, ke mi mensogis al Li? Kaj mi flustros mallaŭte: „Ja mi amis Vin!” Tiam eble Li ekrigardos rekte en miajn okulojn, kaj sur Lia vizaĝo la Dia larmo ruliĝos malsupren?

En la sama momento alparolos la konscienco kaj ek-pezos miaj pekoj kiel ŝtonoj. Ĉar kiel mi povis ami kaj samtempe peki, ja tio certe ne povis Lin ĝojigi.

De hodiaŭ do mi adorados Lin ĉiutage, plenumados miajn devojn akurate. Ĉar se Li konfidis al mi, donis la liberan volon, do ne tiucele, ke Li ploru kaj timu pri mi. Ne rigardu miajn erarojn, sed kiam necesos, alpremu min al Vi karese kaj prenu en la ĉielon!

Verkis Wojciech Bocheński

Tradukis Stanisław Płachta OFM