Numero 113 – somero 2016

Preĝo je la Mondaj Tagoj de Junularo 2016

„Dio, mizerikorda Patro, kiu revelaciis vian amon en via Filo Jesuo Kristo kaj verŝis ĝin sur nin en Sankta Spirito, la Konsolanto, al Vi ni konfidas hodiaŭ la sortojn de la mondo kaj de ĉiu homo”. Ni konfidas al Vi precipe junajn homojn el ĉiuj nacioj, popoloj kaj lingvoj. Sekure gvidu ilin sur komplikaj padoj de la nuntempa mondo kaj donu al ili la gracon de frukto-dona travivo de la Mondaj Tagoj de Junularo en Krakovo.

Ĉiela Patro, faru el ni atestantojn de via mizerikordo. Instruu porti la kredon al dubantaj, la esperon al rezignintaj, la amon al malvarmaj, la pardonon al kulpaj kaj la ĝojon al tristaj.

La fajrero de mizerikorda amo, kiun Vi bruligis en ni, fariĝu fajro ŝanĝanta la homajn korojn kaj renoviganta la viza-ĝon de la tero.

Maria, Patrino de la Mizerikordo, preĝu por ni.

Sankta Johano Paŭlo la Dua, preĝu por ni.

Sankta Fratulino Faŭstina, preĝu por ni.