Numero 112 – printempo 2016

Mizerikordo por malpiuloj?

Ep. Józef Zawitkowski

Jes, mizerikordo estas por ĉiuj, sed nur iuj scipovas danki por ĝi. Mi parolas pri dek lepruloj.

Hodiaŭ lepro estas kuracebla malsano, sed tiam lepro estis malbeno. Leprulojn oni forstrekis el libroj de vivantoj. Ili estis jam iradantaj kadavroj. Ili ne povis proksimiĝi al sanaj homoj. Pro kompato homoj eksponis al ili restaĵojn de manĝaĵo. Kaj ili iradis are, malbenante Dion, sin mem kaj propran sorton.

Dek tiaj kuraĝuloj, vidante pasantan Jesuon, de mal-proksime vokis: Jesuo, Sinjoro, kompatu nin! (Luk 17:13). – Iru al la pastroj kaj montru vin al ili (Luk 17:14). Tio ne signifis – iru al pekkonfeso. La pastroj tenadis la librojn de vivantoj. Iru al la pastroj kaj montru vin al ili, ke vi estas sanaj. Kaj efektive, dum la irado ili resaniĝis. Nur unu re-venis, por danki al la Mizerikorda Sinjoro por la resaniĝo. Kaj kie estas la aliaj naŭ?

Ni scias peti. Ni scias skribi petskribojn, proponojn. Ni scias postuli, almozpeti, sed nur kredantoj scipovas danki al Dio kaj al homoj. Kruduloj ne dankas!

(ND, 14 dec 2015)