Numero 124 – printempo 2019
La forto de silento
Kiel facile en la tumulto de la nuntempa mondo dis-perdi animon, emfaze konsciigas al ni “La forto de silento. Kontraŭ la diktaturo de bruo” – la registro de interparolo de la franca ĵurnalisto Nicolaso Diat kun la gvinea kardinalo Roberto Sarah.
Kardinalo Sarah, kiun la Papo Benedikto la Deksesa no-mis la instruisto de silento kaj interna preĝo, elpaŝis en oktobro 2017 en la Senato de Pollando, enkadre de la internacia kon-greso de la movado “Europa Christi”. Li atentigis, ke Okcidento donante ekonomian helpon al afrikaj landoj, samtempe trudas la ideologion gender kaj ‘elastan’ rilaton al la problemo de geedz-eco kaj familio, kontraŭajn al la kristana tradicio, sed ankaŭ al la tradicio de afrikaj socioj. La helpon vi ricevos sub la kondiĉo de ŝanĝo de tio, kiu vi estas.
Kaj ni, kiom da opinioj kaj sintenoj senpripense ni akce-ptas kiel niajn proprajn, subiĝante al ĉirkaŭanta nin la info-bruo? Kiomgrade niaj konvinkoj rilatantaj al kutimoj, moraleco, estetiko, sed ankaŭ politikaj preferoj estas la rezulto de pli aŭ malpli maturaj pripensoj, la efiko de la konscia religiemo, kaj kiomgrade la reflekse alproprigita kungluaĵo de tio, kio ĝuste estas laŭtigata kaj laŭmoda en la medio, kies parto ni estas aŭ volas esti?
Meditado bezonas mallaŭtiĝon. Sen silento ne estas la kontakto kun si mem. Ne temas nur pri ĉeso de parolado kaj aŭskultado de la ekstera mondo. Temas pri io pli. Spurojn ni trovos jam sur la kovrilpaĝo de la menciita libro (ĝi ne estas facila legaĵo): “Tamen kiam ni deŝiriĝos de la bruo ĉirkaŭ ni kaj moderigos la internan konfuzon, kiam ni ĉesos timi silenton, tiam ni ekspiros per la plena brusto. Vero kaj bono ne krias, ili atendas malkovron. La silento konas la plenecon de senco. Oni devas aŭskulti, por ekaŭdi. Eksilenti, por elekti vorton. Halti, por trovi direkton”.
Sen trankviliĝo…
ni ne ekkonos niajn verajn dezirojn, ni ne eksentos veran duan personon (kaj ankaŭ Dion; kiel ĉi-foje ni travivis Kristnaskon?). Ni ne ekaŭdos nian konsciencon, pri kiu la nuntempa mondo ordonas forgesi.
Do en la nova jaro al ĉiu tago ni provu „ŝteli” kelkajn minutojn da silento.
Katarzyna kaj Andrzej Zybertowicz
Esperantigis: Stanisław Śmigielski
El la semajna revuo: SIECI, 28.12.2017 – 7.01.2018, paĝo 130.
