Geotermiko – la donaco de Dio

Geotermiko – la donaco de Dio

En la nuna situacio de laŭgrada elĉerpiĝo de energi-fontoj, evidentiĝis la senduba Dia zorgo pri la problemo. Unuopaj ŝtatoj devas serĉi kaj ĉerpi energiprovizon, kie tio eblas kaj kie ne tro kostas. Mirigas la fakto, ke ekzistas tia lando, kiu centprocente uzas la elektran kaj varmigan ener-giojn el propraj varmegaj subteraj fontoj. Tio okazas en Islando.

Laŭ opinio de ekspertoj, Pollando estas regiono de la tre riĉaj kaj facile ĉerpeblaj geotermikaj fontoj sur la eŭro-pa kontinento. La termofontoj en Pollando troviĝas en la terprofundo je du (aŭ du kaj duono) kilometroj. Tia ĉerp-ado estas certe multekosta, sed ekzistas ellaboritaj sistemoj, kiuj ebligas la ekspluaton. Certaj institucioj kapablas kaj povas ĉion aranĝi kaj financi en la ŝtata kaj unia skalo.

Varmegaj akvoj el termofontoj je temperaturo pli-malpli 60 gradoj C, kiel ekzemple en Toruń, plej taŭgas por varmigado de loĝdomoj kaj por ĝardenkulturo aŭ por akvo-kuracado. Fontoj kun pli ol 80 gradoj C taŭgas por produk-tado de la elektra energio.

En Pollando en la urbo Pyrzyce jam dudek jarojn funkcias la geotermiko (tervarmeco) sukcese kaj varmigas la urbon kaj eĉ ĝian ĉirkaŭaĵon. Ankaŭ en urbo Chociwel oni trovis varmegajn akvojn kun 82 gradoj C. Prilaborita sistemo de utiligo ebligos funkciigi elektro-centralon, var-migadon de loĝdomoj, forcejojn kaj kuracejojn.

Indas substreki, ke danke al la senduba Dia zorgo Pollando havas elstarajn specialistojn t.e. projektistojn kaj realigantajn konstruistojn, kiuj scipovas realigi ĉion bezo-natan.

En decembro 2015 la pola registaro subskribis tiel nomatan Parizan Interkonsenton kaj surbaze de tiu akto la pola geotermiko ricevos bezonatan unian financan subven-cion. La nun reganta skipo en Pollando, laŭ ekzemplo de aliaj ŝtatoj, intencas evoluigi la futuran valoran dezirindan ekologian tipon de energiĉerpado (ekoenergian geotermi-kon) danke al landaj naturaj eblecoj.

Dio donacis al Pollando la termofontojn kaj homajn talentojn. Oni devas bone utiligi ĉion tion kaj varme danki al Dio.

Inĝ. Rafał Tuszyński

(Esp. Societo „FLAMO”- Toruń)