Numero 124 – printempo 2019

Epigramoj

Malsaĝa nacio,
se vivas sen Dio.

Preĝi li ofte ŝatas,
poste najbaron batas.

Lia agado
denuncado.

Ne volas li labori.
Preferas plendi kaj plori.

Se li malriĉa vere estas
kial ne laboras, nur festas.

Li uzas alkoholon
por plifortigi volon.

En lernejo li estis kreteno.
Nun havas altan postenon.

Al ŝi plaĉas,
kiam klaĉas.

La kunveno jam finiĝis
sed problemoj ne solviĝis.

Estas multaj ŝanĝoj
sed restas demandoj.

Multe li parolas.
Labori ne volas.

Ne ĉiu papero
diras la veron.

Ĉion li plej bone scias,
sed mem tion opinias.

Por li la idolo
estas alkoholo.

Onklo sur alta fotelo
veturigis lin al celo.

Verkis Bogusław Sobol