Numero 114 – aŭtuno 2016

Auschwitz’koncentrejaj eksponaĵoj

La tero inkrustigita per ostpecetoj.

La aero satigita per akuzo de historio.

Fermitaj en vitroŝrankoj

fiksitaj sur la tabuloj kaj fotografaĵoj

restaĵoj de vivo

fibroj de penlaboro

postsignoj de malespero

traŝiritaj deziroj

ŝtoniĝintaj larmoj

ridigiĝintaj vortoj

mistraktita sufero

taŭzita sopiro

estingiĝintaj spiroj

sekigita ekzisto

silentigitaj plendoj

neripetebla martireco.

Kaj inter ĉio ĉi la viva kredo

gravurita unge

sur la cela muro

de Patro Maksimiliano Kolbe

antaŭ ol li oferdonis sian vivon

por savi kunmalliberulon

havantan familion.

Verkis Helena Stosio

„Homoj al homoj preparis tiun ĉi sorton”