Anekdotoj
Anekdotoj
Niaj infanoj
– Vi scias, Henriko, ke mi malpermesis al vi iri al Viktoro, kiu estas malbone edukita infano.
– Ho, panjo, mi ne iros, mi promesas, sed Viktoro povus veni al mi, ĉar mi estas bone edukita, ĉu ne?
El la ĉielo
La animo de mortinto venas en ĉielon. Ĝi demandas sanktan Petron, ĉu estas eble rigardi la Teron. La sankta Petro jesas kaj montras truon, tra kiu oni povas rigardi. La animo rigardas kaj ekridegas. La sankta Petro demandas kolere: – Kial vi tiom ridas? Kaj animo respondas ridante:
– Ho, mi jam estas ĉi tie, kaj sube oni ankoraŭ opera-cias min.
Artista kunlaboro
– Ĉu vi ĉiam estas apud via edzo, kiam li verkas?
– Jes, liaj kriminalaj romanoj estas tiel terurantaj, ke li timas resti sola.
Provincano en Krakovo
La provincano venis al Krakovo. Li eniris en luksan restoracion. La kelnero rapidis doni al li la karton kun la menuo. – Mi havas nur 10 zlotojn – diris la gasto. Kion vi povas rekomendi al mi? – Laktobufedon, sinjoro – respon-dis severe la kelnero.
Trovaĵo
– Sinjoro! – diras gasto al la kelnero. – Kion signifas tio? Mi trovis en la saŭco pantalonbutonon!
– Ho, mi dankas al vi! Tutan tagon mi ĝin serĉas…
(Alsendis Helena Maria Stosio)