Numero 131 – vintro 2020

Ridetu

El diversaj tirkestoj

Kolera gasto en la restoracio alvokis kelneron de-mandante:

– Kion faras ĉi tiu muŝo en mia supo?

– Ŝajnas al mi, ke ĝi naĝas, sinjoro.

*

– Karlo, manĝu ankoraŭ unu kukon.

– Mi ne povas, onklino, mia stomako estas jam tute plena.

– Tiuokaze metu kelkajn en la poŝojn.

– Neeble. Ankaŭ ili estas plenaj.

*

La kvarjara Kaĉjo envenas en la ĉambron dum la daŭro de la festeno, laŭte kriante:

– Estas cimo sur la muro de la kuirejo.

– Silentu, knabeto, la patrino ekscitite diris. Absolute ne estas cimo, ĝi estas nur najlokapo. Kaĉjo foriris, sed tuj revenis kriante, je amuziĝo al la ĉeestantoj:

– Panjo, nun iras la najlokapo.

*

– Filĉjo, mi malpermesas al vi fumadi – diras la patro al filo – vi ja vizitas nur la sesan klason.

– Sed paĉjo, ankaŭ vi komencis fumadi kiam vi vizi-tadis la sesan klason!

– Nu jes, vere, sed mi tiam estis 18-jara.

__________________________________________________________________________________

Estas du vortoj kiuj malfermas ĉiujn pordojn: tiru kaj puŝu.