Numero 129 – somero 2020

Ridetu

El diversaj tirkestoj

Instruistino surskribis en studenta taglibreto:

– „Via filo nenion scias.“

Patro letere respondis:

– „Ĝuste tial ni sendas lin al lernejo.“

*

“Virinoj estas eksterordinaraj.

Vi parolas nenion – kaj ili komprenas ĉion.

Ili parolas al vi ĉion – kaj vi komprenas nenion.”

*

Kiel distingiĝas sovaĝaj kaj dresitaj bestoj?

– Dresita manĝas el la mano, sovaĝa manĝas la manon.

Eĉ tio okazas:

– Monika! Monika! Kio estas al vi?

– Mi estas malsana.

– Kio okazis al vi?

– Trafis min nervoŝoko. En la aŭtobuso mi falis rekte

antaŭ la piedojn de iu maljunulino kaj …

– kaj tial vi ekhavis ŝokon. Sed pro kio vi falis?

– Ĉar mi vidis, ke lernanto el nia lernejo cedis sian

sidlokon al maljunulino!

*

– Sinjoro instruisto! Ĉu oni rajtas puni iun pro tio,

kion tiu ne faris?

– Kompreneble ne.

– Tre bone, ĉar mi ne faris mian hejman taskon.