Numero 131 – vintro 2020

Preĝo

Pastro Johano Twardowski 

Ni preĝu en la Betlehema Nokto,

En la Nokto de Feliĉa Akuŝo,

Por ke ĉio al ni malimplikiĝu,

Nodoj, konfliktoj, komplikaĵoj,

Ke ĉiuj malfacilaj aferoj

Maltordiĝu kiel nodetoj,

Propraj ambicioj kaj rankoroj

Komencu ridigi kiel marionetoj.

Ke en ni malicaj Megero

Transformiĝu en ŝafetojn

Kaj glaŭkaj larmoj en okuloj stariĝu

Kiel sur kristnaska arbeto kandeletoj.

Ke anĝelo disŝiru ĉiun dramon

Ĝis la lasta ĉapitro,

Metante sur la komplikan koron,

Kiel sur azenon – neĝkompreson,

Por ke ĉio iĝu simpla –

Estu ordinara – malkomplika.

Ke la sturno bunta, gripmalsana

Kapriolu al ni sur la tombo.

Por ke la dubanto ekploregu

Miraklon en starvico atendante,

Kaj Dipatrino – la kvietajn, fidoplenajn,

Prenu sur manojn kiel varman plejdon.

Esperantigis Stanisław Płachta

___________________________________________________________________________________

Nenio en la vivo estas tiel necesa kiel la amikeco.

(Aristotelo)