Numero 129 – somero 2020

Ĉu vi estas fundamentisto?

La publicistoj de la naŭdekaj jaroj de la pasinta jar-cento disvastigadis la nocion de la religia fundamentismo, laŭ kiu fundamentisto estas la furioza, malvastmensa tipo, anhelanta per avideco je ekstermo de ĉiuj pensantaj alie ol li mem kaj liaj ideologiaj aliancanoj.

La religia fundamentismo plej ofte estadas ligata kun islamo, kvankam tute ne malofte hodiaŭ aŭdeblas la voĉoj stigmatizantaj la fundamentismon kristanan, ĉu simple – la katolikan. Tamen tiu sinteno estas ĉial senrajta, eliranta el kompleta nescio de la fundamentoj de kristanismo. Ĉar kio estas la fundamentismo, se ne atingo al la plej profundaj fundamentoj ĝuste?

Muzulmanoj povas atingi al la fundamentoj de ilia propra religio, kio ajn tiuj estas, tamen ĉe la bazo de krist-anismo kuŝas la senkondiĉa ordono, por ami la Sinjoron, sian Dion, per sia tuta koro, per sia tuta animo kaj per sia tuta intelekto (…) kaj sian proksimulon kiel sin mem (Mat 22:37-39).

Ĉu do ne estis la fundamentisto Sankta Stefano, kiu sub la hajlo de ĵetataj furioze ŝtonoj vokis: “Sinjoro,ne kulpigu ilin pri ĉi tiu peko!” (Ago 7:60)?

Ĉu do ne estis la fundamentisto Sankta Damiano el Molokajo, kiu sian vivon dediĉis por servado de lepruloj, por finfine kaŭze de lepro morti?

Ĉu do ne estis la fundamentisto Sankta Maksimiliano Kolbe, kiu aŭdante la malesperan lamenton de la frakasita homo, memvole anoncis sin por la morto anstataŭ li?

Ĉu do ne estis la fundamentistino Sankta Patrino Tereza el Kalkuto?

Kaj Sankta Johano Paŭlo la Dua, senĉese anoncanta la bezonon de reveno al la fontoj de kristanismo, senlace defendanta la bazajn kredoverojn, la homan vivon kaj fa-milion – ĉu do ankaŭ li ne estis la fundamentisto?

Kaj miriadoj da miriadoj kaj miloj da miloj (Apo 5:11) da ceteraj Sanktuloj de la Sinjoro.

Mi ankaŭ nenion deziras pli ol esti la katolika funda-mentisto.

Kaj Vi?

Jerzy Wolak

El: Przymierze Z MARYJĄ, N-ro 107, julio/aŭgusto 2019, paĝo 39

Esperantigis: Stanisław Śmigielski