Numero 131 – vintro 2020

Antaŭvorto

Karaj Legantoj!

„Kaj la jenan ordonon ni havas de Li: ke kiu amas Dion, tiu amu ankaŭ sian fraton“ (1 Joh 4:21).

Ne ĉio, kion ni faras, estas la plej bona, ne ĉio estas tre saĝa, tamen en unu ni certas: ke oni devas labori kaj zorgi, ke post nia foriro restu surtere iom da bono. – Per ĉi tiuj vortoj komenciĝadis la Programo de kunvenoj de la Esperanto-Sekcio de Klubo de Katolika Intelektularo en la jaroj 1974-1975.

La ĉi-supraj vortoj bone kongruas kun la celo de bulteno FRATECO. Bedaŭrinde, malgrandiĝas la legantaro de Frateco. La 16-an de aprilo 2020 en Rzeszów, forpasis esperantistino Maria Rzadki. La 12-an de julio 2020 en Wałbrzych, forpasis samideanino Helena Stosio. Ripozon eternan donu al ili, Sinjoro, kaj la senfina lumo lumu al ili.

Estas ĝoja novaĵo, nome: ESPERANTA BULTENO Frateco POR LA SPIRITA FORMADO, estas legebla sur  la klostra retpaĝo: ofm-przemysl.pl (serĉu en Google.pl)

Wspólnota klasztoru o. Stanisław Płachta.

Kaj ankoraŭ unu informo:

Ĉi-jare mi celebras du gravajn jubileojn:

oktobre – 80 jarojn de la vivo,

decembre – 50 jarojn de la pastra servado.

Al Dio estu danko por ĉio!

Kiel kutime mi instigas al fruktodona legado de la bulteno kaj pripensado…

via redaktoro Stanisław Płachta OFM.