KUN MARIA SEKVANTE KRISTON – Rozariaj konsideroj

Alvenu Reĝino la Sanktrozaria

1. Alvenu Reĝino la Sanktrozaria,
   De pekema homo espero varia!
   La plej ĉasta floro lilia,
   Patrin’ Rozaria, Maria.
2. La plej sankta, virga, unika espero,
   Superba Reĝino de l’ ĉiel’ kaj tero,
   La plej bela floro lilia,
   Patrin’ Rozaria, Maria.
3. Patrin’ Rozaria, hela mara stelo,
   Nobla Dipatrino, Reĝin’ de l’ Anĝeloj,
   La edena floro lilia,
   Patrin’ Rozaria, Maria.
4. Vi estas plej bela rozo en ĝardeno,
   Vergo aarona, aŭror’ de l’ mateno,
   La plej ĉarma floro lilia,
   Patrin’ Rozaria, Maria.
5. Gloron al Maria sur ĉiela trono,
   Kun signo de l’ rego – rozaria krono.
   La plej sankta floro lilia,
   Patrin’ Rozaria, Maria.